~~~~~~~~~~~~~~~~~~~~~~~~~~~~~~~~~~~~~~~~
ရခိုင်နိုင်ငံ၏အချူပ်အခြာအာဏာဆုံးရှုံးလားရလို့  ရခိုင်ရို့ လွတ်လပ်ရေး ပျောက်နိန်ရရေ။
လွတ်လပ်ရေး (Independence) မဟိလို့  လွတ်လပ်ခွင့် (Freedom) မဟိ၊ အခြီခံလူ့ အခွင့်အရေးမဟိ၊ လူမျိုးတစ်မျိုး၏ဂုဏ်သိက္ခာမဟိ၊ တန်ဖိုးမဟိ၊ ရပိုင်ခွင့်မဟိ၊ အကျိုးခံစားခွင့်မဟိ ဖြစ်နိန်ရရေ။
လက်နက်နန့် အကြမ်းဖက်ပနာ မတရားနယ်ချဲ့ ကျူးကျော်သိမ်းပိုက်ပြီးကေ အုပ်ချူပ်ခံကျွန်ဖြစ်အောင် သွတ်သွင်းခြင်းခံထားရလို့  စနစ်တကျဂုတ်သွီးစုပ်ခံနိန်ရပြီးကေ ဆင်းရဲတွင်းနက်နိန်ရရေ။ သီနတ်ပြအုပ်ချူပ်ထားခြင်းခံနိန်ရလို့  အကြောက်တရားနန့်  အသိပျောက်နိန်ရရေ။
လူမျိုးတစ်မျိုး၏အုပ်ချူပ်ခံကျွန်ဘ၀မှာ ရလာရေလက်ဆောင်တိက လူဖြစ်ရှုံးခြင်း၊ လူညွန့် တုံးခြင်း၊ လူစဉ်မမှီခြင်းနန့် လူ့ ဘ၀၏ဖြစ်တည်မှုအဓိပ္ပါယ်ပျောက်လားခြင်းပင် ဖြစ်တေ။ အုပ်ချူပ်တေဗမာယိုင်ကျေးမှုက ပုံစံအမျိုးမျိုးနန့် စိတ်ဓါတ်စစ်ဆင်ရေးလုပ် ဖျက်ထားရေခါ ရခိုင်သားမှာ သိမ်ငယ်စိတ်၊ အားငယ်စိတ်၊ မိမိကိုယ်ကို အထင်သေးပနာ အုပ်ချူပ်တေဗမာလူမျိုးကို အထင်ကြီးစိတ်၊ အချင်းချင်းမနာလိုစိတ်၊ အချင်းချင်းအပြစ်တင်အပြစ်မြင်ရေစိတ်၊ အချင်းချင်းရန်လိုရေစိတ်တိ ဖြစ်ပေါ်ခံစားနိန်ကတ်ရရေ။ ယင်းအတွက်နန့်  ဗမာယိုင်ကျေးမှုနန့် နီးစပ်လီလီ ဗမာပညာရေးစနစ်ထဲမှာ ဗမာစာကို သင်ကြားတတ်မြောက်လာလီလီ ဗမာဘားမှာ ကျွန်ခံချင်စိတ်ပေါက်လီလီ ဗမာကိုအထင်ကြီးရေစိတ်ဝင်လီလီ ဖြစ်ပါလတ်တေ။ ကိုယ်စွမ်းကိုယ်စ ကိုယ့်အင်အားကို ယုံကြည်စိတ်ပျောက်ပနာ ဗမာအုပ်ချူပ်မှုအောက်မှာ နိန်ရစွာကိုပင် ဆုလဒ်ကြီးတခုလို့ ထင်လာရေ။ ကိုယ်ပိုင်နိုင်ငံရေးလမ်းကြောင်းနန့် နိုင်ငံရေးအမြင်တိ ပျောက်ပနာ ဗမာတိလားနိန်ရေ နိုင်ငံရေးကိုပင် ကိုယ်ရို့ နိုင်ငံရေးလို့ ထင်လာရရေ။ ဗမာတိအလုပ်ဖြစ်အောင် အရက်ဝယ်ကြက်ဖမ်း အိတ်ထမ်းဖိနပ်ကိုင် လုပ်နိန်ရစွာကိုပင် သွီးနထင်ရောက် စိတ်ကြီးဝင်ပနာ နိုင်ငံရေးအမြင်ကျယ်ရေလို့ ထင်လာရေ။ ကိုယ့်အိမ်သားတိထက် လူများကို သနားတတ်လာခြင်းစွာ လူတန်းစားပျက်ရို့ ၏ဖောက်ပြန်နိန်ရေ စိတ်ရောဂါပင် ဖြစ်တေ။
ဗမာကျူးကျော်သူရို့ ကိုတော်လှန်မောင်းထုတ်ပနာ မြောက်ဦးမြို့ ကို ၁၄၃၀ မှာ မင်းစောမွန် တည်ထောင်နိုင်ခလို့  ရခိုင်ရို့ ရာစုကို ကမ္ဘာက သိအောင် ထုတ်ပြနိုင်ခရေ။ အီတလီက ဗင်းနစ်(စ်)၊ ဟော်လန်က အမ်စတာဒမ်ရို့ ပိုင် ကမ္ဘာ့အဆင့်မှီခရေ မြို့ မြောက်ဦးကို တည်ပြနိုင်ခရေ။ သဇင်ပန်းခိုင် တမြိုင်မြိုင် ရခိုင်ဘုရားပေါင်း (၆၃၅၂၇၅၅) ကို တည်ထားကိုးကွယ်ပနာ သီလပြည့်ဝရေ လူမျိုးလို့  ဂုဏ်ယူနိုင်ခရေ။
ဗမာတိကိုရာ တော်လှန်မောင်းမထုတ်နိုင်ခကေ ရွှီရောင်တောက်ပရေ ရက္ခရာစုစွာ သမိုင်းစာမျက်နှာထက်မှာ မဟိလာနိုင်ရေပိုင် ဗမာရို့ ၏နိုင်ငံရေးစက်ကွင်းထဲမှာ ရခိုင်လူမျိုးရေ မျိုးတုန်းပျောက်ကွယ်လို့ ဟိနိန်လီဖို့ ။ သီးခြားလွတ်လပ်လာခမှရာ အလုံးစုံတိုးတက်ခြင်း (Progress) ကို ဖန်တီးနိုင်ကြောင်းကို ရခိုင်သမိုင်းက သက်သီခံနိန်ရေ။
ဂနိကာလမှာ ကျွန်မှိုင်းမိပြီးကေ ကျွန်စိတ်ပေါက်နိန်ရေ တချို့ ရခိုင်သားတိက ဗမာကိုတိုက်လို့ နိုင်ဖို့ မဟုတ်ဗျာယ်ဆိုရေ အမြင်တိ ထုတ်ပြလာစွာကို တွိလာရရေ။ လွတ်လပ်ရေးထက် ဗမာနန့် ပေါင်းပြီးကေ ပြည်ထောင်စုဆိုရေ နာမေအောက်မှာ ကျွန်ခံလားစွာကရာ ပိုလို့ လက်တွိကျဖို့ လို့  ထုတ်ပြောလာကတ်စွာကို ကြားလာရရေ။ ရခိုင်သားမှာလူဦးရေ သုံးသန်းနီးပါးဟိရေ။ သုံးသန်း၏တစ်ရာခိုင်နှုန်းစွာ သုံးသောင်း၊ ဒေသုံးသောင်းရာ အမျိုးသားလက်နက်ကိုင်တော်လှန်ရေးသမားတိဖြစ်လာကေ ရခိုင်ပြည်မှာ တပ်စွဲထားရေ ဗမာကြေးစားဒမြဂိုဏ်းက စစ်အင်အားနှစ်သောင်းလောက်ကို အမှုန့် ခြွီပစ်လိုက်လို့ ရရေ။ နှစ်ပေါင်း ၂၃၀ ကျွန်ဖြစ်ပါလတ်တေ ရခိုင်လူမျိုး လွတ်မြောက်ဖို့  တစ်ရာနှုန်းလောက်ရာ အနစ်နာခံဝံ့ကေ ရက္ခရာစု ပြန်လာခြင်း (The return of the Arakanese era) ကို နက်ဖြန်ခါ မျက်စိရှိတည့်တည့်မှာ မြင်တွိလာရပါဖို့ ။
မြန်မာ့တပ်မတော်လို့  နာမေခံထားရေ ဗမာကြေးစားဒမြဂိုဏ်း၏အုပ်ချူပ်မှုအောက်မှာ မြန်မာနိုင်ငံရေ ကမ္ဘာ့ရွာအပြင်ဖက်က အပုပ်နံ့ တိတထောင်းထောင်းထနိန်ရေ တစပြင် အဆင့်ကိုရောက်နိန်ရရေ။ အရှိတောင်အာရှမှာတောင် လာအိုနိုင်ငံထက် တဖဲ့ချေသာရေ အဆင့်လောက်ရာဟိရေခါ အာဖရိကတိုက်က အဆင်းရဲဆုံးတိုင်းပြည်တိထက် ဆင်းရဲမွဲတေနိမ့်ကျနိန်စွာကို လားတွိရရေ။ ဗမာရို့ ၏သိမ်ဖျင်းယုတ်ညံ့စုတ်ပဲ့ခြင်းတိအောက်မှာ ကျွန်သဘောက်ဖြစ်နိန်ရရေ ရခိုင်ရို့ ဘ၀က သောင်ပြင်မှာလွတ်တေ ခွီးထက် ဆိုးနိန်လီဖို့ စွာက ပြောစရာမလိုလိုက်ဗျာယ်။ အ၀ီစိကြမ်းပြင်အောက်ကို အလုံးစုံပျက်သုန်းခြင်းနန့် ဆင်းလားနိန်ရေ ဗမာနောက်ကိုလိုက်ပနာ ကျွန်ခံလားဖို့ စိုင်းစားနိန်ရေ တချို့ ရခိုင်သားတိစွာ ကမ္ဘာ့ အမိုက်မဲဆုံးနန့် အသိဥာဏ်မဟိဆုံးလူသားတိ ဖြစ်လာနိုင်ရေ။
ဒမြတိုက်လို့ ရလာရေ ဖဲသာတိနန့်  အဆီယစ်နိန်ရေ ဗမာစစ်ဂေါင်းဆောင်တိက တချို့ ရခိုင်သားတိကို အရိုးအရင်းချေချကျွေးပနာ ဇာတ်သွင်းထားရေခါ တစ်ပြားတစ်ချပ်နောက်ကိုလိုက်ပနာ ကိုယ်ကျိုးရှာ ကိုယ်လွတ်ရုန်းတတ်တေ လူနန့် တူရေ လူတိဖြစ်ပါလတ်ကတ်တေ။
လူ့ ဂုဏ်သိက္ခာ လူ့ တန်ဖိုး လူဖြစ်ခြင်း၏အနှစ်သာရနန့် အဓိပ္ပါယ်ပြည့်ဝရေ တင်းပြည့်ကျပ်ပြည့် ၁၀၀ ရာခိုင်နှုန်း နှစ်ဆယ့်တစ်ရာစုလူသား ဖြစ်လာချင်ကေတော့ ဗမာကျွန်အဖြစ်က စိတ်ပိုင်းရုပ်ပိုင်းဆိုင်ရာ အပြီးအပိုင်ရုန်းထွက်ပနာ အထက်မှာပြောခရေပိုင် တစ်ရာခိုင်နှုန်းထဲက ရခိုင့်မျိုးချစ်သူရဲကောင်းဘ၀ကို ပြောင်းလိုက်ကတ်ပါလို့  တိုက်တွန်းလိုက်ပါရေ။
No comments:
Post a Comment